नेपालगन्ज : नेपालगन्जका सुरेन्द्र बुढाक्षेत्रीले तेस्रो स्लो बाइक प्रतियोगिता २०७९ को उपाधि हात पारेका छन् । ३७ जना प्रतियोगिलाई पछाडी पार्दै निर्धारित १ सय मिटरको दुरी ५ मिनेट १३ सेकेण्डमा पुरा गरी उनले उपाधि जितेका हुन् । प्रतियोगिताको बिजेता भएसँगै नगद १० हजार र प्रमाण पत्र प्राप्त गरेका छन् ।
बढ्दो सवारी दूर्घटना न्यूनीकरण सचेतनाकालागिबास नेपालको आयोजनामा भएको प्रतियोगितामा दोस्रो, तेस्रो र सान्त्वना स्थान क्रमशः अंकित जैसवाल ५ मिनेट ७ सेकेण्ड, प्रदिप यादव ४ मिनेट ५३ सेकेण्ड र शिव तमौलीले ४ मिनेट ४८ सेकेण्डमा निर्धारित दुरी पार गर्दै उक्त स्थानहासिल गरेका हुन् । दोस्रो, तेस्रो र सान्त्वना स्थानहासिल गर्न सफलप्रतियोगिले क्रमशः नगद ७ हजार ४ हजार र २ हजार र प्रमाण पत्र प्राप्त गरेका छन् ।
नेपालगन्जको न्यूरोडमा भएको प्रतियोगिताको उद्घाटन कार्यक्रममा बोल्दै बाँकेका प्रमुख जिल्ला अधिकारी तथा कार्यक्रमका प्रमुख अतिथि विपिन आचार्यले सवारी दूर्घटना न्यूनीकरण गर्न हरेक ब्यक्तिको भूमिका अपरिहार्य रहेको बताए ।
उनले सवारी सुरक्षा र ट्राफिक नियमको पालना गरेमा दूर्घटना न्युनिकरण हुने भन्दै सबैले टाफिक नियमको पालना गरि सवारी साधन चलाउन अनुरोध गरे । स्लो बाईक प्रतियोगिताले आम नागरिकहरुमा सचेतना फैलाउने भन्दै कार्यक्रमको सफलताको शुभकामना ब्यक्त गरे ।
यसैगरी कार्यक्रममाबोल्दै ट्राफिकप्रहरी कार्यालय नेपालगन्जकाप्रमुखओम प्रसाद पौडेलले आम सवारी चालकलाई ट्राफिकनियमको पालना गर्न अपिल गरे । बासले गरेको सचेतना मुलक कार्यक्रमले तिब्र गतिमा सवारी चलाउने कार्यलाई निरुत्साहित गर्ने उनको भनाई थियो ।
यसैगरी कार्यक्रममा बोल्दै एमएस टे«ड इन्टरनेशनल हिरो शोरुम नेपालगन्जका प्रमुख माधव अर्यालले स्लो बाईक प्रतियोगिताले सवारी चालकलाई अनुशासित र नियमको पालना गर्न आवश्यक सचेतना प्रदान गर्ने विश्वास ब्यक्त गरे ।
बासका कार्यवाहक अध्यक्ष शिवकुमार बर्माको अध्यक्षतामा भएको प्रतियोगिताको सुभारम्भ प्रमुख अतिथी प्रमुख जिल्ला अधिकारी पौडेलले सिटी फुकेर गरेका थिए । उद्घाटन पूर्ब कार्यक्रमका प्रमुख अतिथी र अतिथीले स्लो गतिमा वाईक चलाएका थिए ।
बढ्दो सवारी दुर्घटना न्यूनीकरणका लागि जनचेतना जगाउने, ट्राफिक नियमको पालना गरी सीमित गतिमा सवारी चलाउन प्रोत्साहित गर्ने उद्देश्यले आयोजना गरिएको प्रतियोगितामा स्वागत बासका कार्यकारी निर्देशक नमस्कार शाहले गरेका थिए, भने कार्यक्रममा धन्यवाद ज्ञापन बासका निर्वतमान अध्यक्ष रमेश सिटौलाले गरेका थिए ।
बासका कार्यक्रम अधिकृत रबिन्द्र बोहराले सञ्चालन गरेको प्रतियोगिताले पछिल्लो समय युवा पुस्ताहरु तिब्र गतिमा सवारी चलाउदा दैनिक जसो दूर्घटनाको सिकार भईरहेको अवस्थामा आमनागरिकलाई सुस्त गतिमा सवारी चलाउदा दूर्घटना जस्तो भयावह अवस्थाबाट जोगिन सकिन्छ भन्ने कुराको सन्देस प्रवाह गरेको छ ।
बासको आयोजनामा भएको कार्यक्रममा एमएस टे«ड इन्टरनेशनल हिरो शोरुम नेपालगन्ज, पोखरा फाईनान्स लिमिटेड नेपालगन्ज, ग्लोबल आईएमई बैंक नेपालगन्ज, बजाजशोरुम कारकादौं नेपालगन्ज, जेनिस मेडिसेल्स नेपालगन्ज, होण्डा शोरुम नेपालगन्ज, न्यू होटल इन्द्रेणी न्यूरोड नेपालगन्ज र यमहा शोरुम नेपालगन्जको सहकार्य रहेको थियो । प्रतियोगिताको ब्यवस्थापन जिल्ला ट्राफिक प्रहरी कार्यालयले गरेको बासका सूचना अधिकारी हेमराज भट्टले जानकारी दिएका छन् ।
