कोहलपुर : नेपाली काँग्रेसका केन्द्रीय सहमहामन्त्री किशोरसिंह राठौंरले पुस्तकालय बिद्यार्थीका लागि मात्र नभएर सबै उमेर समुहका लागि उपयोगी भएको बताएका छन् । १६ औं राष्ट्रिय पुस्तकालय दिवसको अवसरमा ज्ञानोदय सामुदायिक पुस्तकालय तथा स्रोत केन्द्र कोहलपुरको १९ औं बार्षिक साधारण सभालाई शुक्रबार सम्बोधन गर्दै प्रमुख अतिथी राठौंरले भने, ‘पुस्तकालयहरु बिद्यार्थीका लागि मात्र होईन, पुस्तकालयहरुले मान्छेलाई पढ्नको लागि जुनसुकै उमेर अवस्थाको मान्छे भएपनि केही कुरा सिक्ने, केही कुरा जान्ने, नयाँ कुरा सिक्ने, जान्ने पढेर नै हो ।’
देशलाई अगाडी बढाउनका लागि अनुशासन चाहिने प्रतिनिधि सभाका सांसद राठौरले बताए । अनुशासन नभएको ब्यक्ति कुनैपनि ठाउँमा सफल हुन नसक्ने उनको भनाई छ । बाँकेको विकासका लागि आफुले आवश्यक पहल गरेको बताउँदै प्रमुख अतिथी राठौंरले कोहलपुरमा सघन शहरी कार्यक्रम लागु हुनमा आफ्नो विशेष भूमिका रहेको सुनाए ।
भिडियो हेर्नुस् :
शहरी विकास मन्त्रीलाई आफुले भनेकाले कोहलपुरमा सघन शहरी कार्यक्रम लागु भएको बताए । यस्तै मानखोलादेखी कोहलपुरसम्म चारलेनको बाटो बनाउन पनि वर्तमान सरकारलाई सुझाव दिएको उनले जानकारी दिए । ‘चाडै डिपिआर बन्यो भने छिट्टै फोरलेन सडक बन्नेछ, यसले बाँकेको क्षेत्र नम्बर ३ र क्षेत्र नम्बर १ लाई जोड्नेछ,’ उनले भने । कोहलपुरदेखी चिसापानीलाई पनि फोरलेनमा जोड्न जरुरी रहेको सांसद राठौरले औल्याए । कोहलपुरदेखी चिसापानीलाई पनि चारलेन सडकमा बिस्तार गर्न आफुले पहल गर्ने बताए ।
![Kisohor sing Rathaur_Gyanodaya Pustakalahya 21693576672.jpg](https://www.dursanchar.com/uploads/posts/Kisohor sing Rathaur_Gyanodaya Pustakalahya 21693576672.jpg)
कार्यक्रमका विशिष्ट अतिथी एवम् लुम्बिनी प्रदेशका सांसद सञ्जुकुमारी चौधरीले पुस्तकालय ज्ञानको भण्डार भएको बताइन् । ई-लाईब्रेरीको अवधारणालाई पनि अगाडी बढाउनुपर्ने धारणा राखिन् । ज्ञानोदय सामुदायिक पुस्तकालय तथा स्रोत केन्द्रका अध्यक्ष चेतकान्त भट्टराईको सभापतित्वमा सम्पन्न उक्त कार्यक्रममा नेपाली काँग्रेस बाँकेका उपसभापति कृष्ण कार्की, जिल्ला समन्वय समिति बाँकेका उपप्रमुख सिता कार्की, कोहलपुर नगरपालिकाका उपप्रमुख संगिता सुवेदी, वडाअध्यक्ष बीरेन्द्र शाह, एमाले नगर अध्यक्ष नमप्रसाद शर्मा, कोहलपुर उद्योग वाणिज्य संघका अध्यक्ष लक्ष्मणराज पौडेल, नेपाल प्रज्ञा प्रतिष्ठानका प्राज्ञ सभा सदस्य महानन्द ढकाल, स्वर्गिय हरिप्रसाद पौडेल स्मृति अक्षय कोषका संरक्षक जयश्वर पौडेल लगायतले शुभकामना मन्तब्य ब्यक्त गरेका थिए ।
![Kisohor sing Rathaur_Gyanodaya Pustakalahya 31693576677.jpg](https://www.dursanchar.com/uploads/posts/Kisohor sing Rathaur_Gyanodaya Pustakalahya 31693576677.jpg)
कार्यक्रममा नेपाली काँग्रेस क्षेत्र नम्बर १ का निर्वतमान सभापति माधवराम खत्री, नागरिक उन्मुक्ती पार्टीका जिल्ला सचिव भुमबहादुर भण्डारी, राष्ट्रिय स्वतन्त्र पार्टीका नेता राजेन्द्र श्रेष्ठ, काँग्रेस नेता निमबहादुर चलाउने, नेपाल उद्योग वाणिज्य महासंघका निवर्तमान केन्द्रीय सदस्य चक्रबहादुर अधिकारी, कोहलपुर खानेपानीका उपाध्यक्ष बीरबहादुर बिष्ट, बागेश्वरी यातायात प्रा.लि.का अध्यक्ष मनप्रसाद आचार्य, काँग्रेस बैजनाथ गाउँपालिका सभापति देवबहादुर केसी, कोहलपुरका वडाअध्यक्षहरु हरसिंह कठायत, गौरा भट्टराई, लालबहादुर राना, बैजनाथ-३ का वडाअध्यक्ष निखिल बैगार, भेरी अस्पताल विकास समितिका अध्यक्ष बीरेन्द्र शाह, लुम्बिनी प्रदेश खेलकुद विकास समितिका सदस्य नरेन्द्र थापा, नेपाल पत्रकार महासंघ बाँकेका कार्यबाहक अध्यक्ष संगिन शर्मा, नेपाल प्रेस युनियन बाँकेका निर्वतमान अध्यक्ष अर्जुन ओली, नेपाल बिद्यार्थी संघ बाँकेका अध्यक्ष उपेन्द्र बिष्ट अन्य अतिथी, समाजसेवी, बिद्यार्थी, शिक्षक लगायतको उपस्थिती रहेको थियो ।
उक्त कार्यक्रम सञ्चालन सचिव एकराज शर्माले गरेका थिए । सो क्रममा विभिन्न ब्यक्तिलाई सम्मान तथा पुरस्कार प्रदान गरिएको थियो । पुस्तकालय दिवसको अवसरमा ज्ञानोदय सामुदायिक पुस्तकालय तथा स्रोत केन्द्रले रक्तदान, सरसफाई लगायत कार्यक्रम गरेको थियो ।
![Kisohor sing Rathaur_Gyanodaya Pustakalahya 41693576678.jpg](https://www.dursanchar.com/uploads/posts/Kisohor sing Rathaur_Gyanodaya Pustakalahya 41693576678.jpg)
![Kisohor sing Rathaur_Gyanodaya Pustakalahya 51693576679.jpg](https://www.dursanchar.com/uploads/posts/Kisohor sing Rathaur_Gyanodaya Pustakalahya 51693576679.jpg)