नेपालगन्ज : नेपाली काँग्रेसका केन्द्रीय सह-महामन्त्री एवम् प्रतिनिधि सभाका सांसद किशोरसिंह राठौंरले खेलकुदका गतिविधिले युवालाई गलत बाटोमा जानबाट रोक्ने बताएका छन् ।
बाँकेमा शनिबारबाट सुरु भएको ‘प्रथम माननीय किशोर सिंह राठौर यु-१६ बिद्यालय स्तरिय कप क्रिकेट प्रतियोगिता-२०८०’ को उद्घाटन गर्दै भने, ‘नेपालगन्ज जस्तो ऐतिहासिक ठाउँमा एउटा क्रिकेट रंगशाला बनाउन सकियो भने त्यसले नेपालगन्जलाई पहिचान दिने कुरामा धेरै ठुलो मद्धत पुग्ने छ, यस्ता खेलकुदका गतिविधी गरेर युवालाई गलत बाटोमा जानबाट रोक्नका लागि खेलकुदका गतिविध गर्न जरुरी छ ।’
भिडियो हेर्नुस् :
खेलकुदले युवालाई अनुशासित, मर्यादित र देशप्रेमी बनाउने सहमहामन्त्री राठौरले विश्वास गरे । खेलकुद देशका लागी मात्र नभएर देशभभित्रका युवाले अन्र्तराष्ट्रिय जगतमा चिनाउनका लागि अत्यन्त ठुलो भुमिका हुने बताए । ‘आज युवाहरु दुब्र्यशनमा लागेर बिग्रिरहेको बेला बाँकेका युवाहरुले यस्तो खेलको सुरुवात गरेर यहाँका युवालाई जुन प्रेरणा दिने प्रयत्न गर्नु भएको छ, त्यसको लागि म हृदयदेखी नै धन्यवाद दिन चाहन्छु,’ उनले भने ।
बाँके जिल्लाको खेदकुदको विकासमा ध्यान दिनुपर्ने बताए । ‘मैले आफ्नो तर्फबाट केन्द्र, प्रदेश वा स्थानीय सरकारलाई भन्नुपर्ने कुराको लागि तयार छु, तपाईहरुले अलि मेहेनत गर्नुस् ।’ विगतका दिनमा खेलकुदमा बाँके जिल्ला अगाडी रहेको स्मरण गर्दै प्रतिनिधि सभाका सांसद राठौंरले भने ‘हामी युवा हुँदाखेरी बाँके जिल्ला अग्रणी थियो, अहिले त्यो किसिमको वातावरण निर्माण भएको जस्ता लाग्दैन, पहिलेको भन्दा अहिले खेलकुदमा खस्किएको जस्तो लाग्छ ।’ खेलकुद प्रतियोगिता देशका लागि योगदान दिने नेताको नाममा गर्दा अझ प्रभावकारी हुने उनको भनाई छ ।
‘हुन त यो आज मेरो नामबाट यो टुनामेन्ट हुन गइरहेको छ, भाईहरु आउनु भयो, दाई तपाईको नामबाट गर्छौ भन्नुभयो,’ राठौंरले भने ‘वास्तवमा यस्ता खाले टुनामेन्टहरु मेरो नामबाट भन्दापनि यो देशलाई योगदान दिने, यो देशका जनतालाई रैतिबाट नागकि बनाउने, यो देशका जनतालाई अधिकार सम्पन्न बनाउने विपी कोइराला, गणेशमानसिंह, कृष्णप्रसाद भट्टराई, सुवर्ण सम्शेर र सुशिल कोइराला जस्ता नेताहरुको नामबाट आउँदा दिनमा अगाडी बढाउनका लागि म अनुरोध गर्न चाहन्छु ।’
अहिले आफ्नो नाम राखेपनि भविष्यमा जसले यो देशका जनतालाई अधिकार सम्पन्न बनाउनका लागि आफ्नो जीवन अर्पण गरेका छन्, त्यस्ता नेताको नाममा यस्ता खाले प्रतियोगिता गर्दा राम्रो हुने सुझाव दिए ।
यो पनि पढ्नुस् :
‘प्रथम माननीय किशोर सिंह राठौर क्रिकेट प्रतियोगिता सुरु-(भिडियो सहित)
