नेपालगन्ज : अभिनेता पल शाहको आगमनले नेपालगन्ज महोत्सवमा थाम्नै नकिने भिड देखिएको छ । छैठौं नेपालगन्ज महोत्सवको दशौं दिन महोत्सवमा आएका अभिनेता शाहको प्रस्तुतीमा थाम्नै नसकिने भिड देखिएको हो । महोत्सवमा अभिनेता शाहलार्ई हेर्न ठुलो संख्यामा दर्शक आएका थिए ।
अभिनेता शाह पहिलो पटक आएकाले पनि महोत्सवको उमंग बैग्लै देखियो । महोत्सवमा पल शाहले नमस्ते नेपालगन्ज मात्रै के भनेका थिए, महोत्सव स्थलमा खटिएका सुरक्षाकर्मीले भिड थाम्नै सकेनन् ।
महोत्सव अवलोकन गर्न आएका दर्शकहरु शाहको आगमन हुने वित्तिकै जालीलाई चिरेरै शाहको नजिक पुगे । अभिनेता शाहको भर्खरै मात्र सार्वजनिक भएको लोकप्रिय म्युजिक भिडियो एक दुई तीन चार स्वीकार मेरो नमस्कार बोलको प्रस्तुतीमा महोत्सवका दर्शक रमाई रमाई नाचेका थिए ।
अभिनेता शाहको प्रस्तुतीले महोत्सवका दर्शकहरु अबेर साँझसम्म महोत्सव स्थलमा बसेर शाहको प्रस्तुतीमा रमाएका छन् । दर्शकलाई थामी नसक्नु भिडले केही समय अभिनेता शाहको प्रस्तुतीलाई आयोजकले रोक्न बाध्य भयो । महोत्सवमा शनिबार अभिनेता शाहसहित चर्चित कलाकारको बेजोड प्रस्तुती रह्यो ।
महोत्सवमा आएका गायिका बिमता घर्तीमगर, मोडल डान्सर, रेशम नेपकिंग, मोडल डान्सर प्रकाश सोनी, मोडल डान्सर रितु सेरपाली, मोडल मेघन लगायतको बेजोड प्रस्तुतीले महोत्सवका दर्शकलाई मनोरञ्जन गरायो ।
महोत्सवको आकर्षकमा विभिन्न खाले बाल उद्यान, थारु गाउँ, फोटो सेसनका लागि विभिन्न स्टल, सोनी डान्सको कला प्रस्तुती रहेको पनि आयोजक ए.जि. सर्भिस प्रा.लि.का संयोजक नन्द बुढाले जानकारी दिए । उक्त महोत्सव पुष १७ गतेसम्म सञ्चालन हुने आयोजकले जनाएको छ ।
