नेपालगन्ज : नेपाली नयाँ वर्ष २०८१ सालको पूर्वसन्ध्यामा नेपालगन्जस्थित होटल स्टार लाईटले राष्ट्रिय स्तरमा ख्याति प्राप्त कलाकारको उपस्थितीमा न्यू इएर इभ कार्यक्रम गर्ने भएको छ । नयाँ वर्षको पूर्वसन्ध्यामा आयोजित न्यू इएर इभमा होटल स्टारलाईटले राष्ट्रिय स्तरको कलाकारको उपस्थितीमा भब्य साँगितिक कार्यक्रम गर्ने भएको हो ।
होटलले आईतबार आयोजना गरेको पत्रकार सम्मेलनमा यसबारे जानकारी दिएको हो । यही चैत ३० गते राती होटलले राष्ट्रिय कलाकारको प्रस्तुती सहित खानामा विशेष प्याकेज दिन लागेको होटलका सिईओ कुमार मैनालीले बताए । राष्ट्रिय कलाकारका साथमा नेपाली नयाँ वर्ष मनाउन विशेष कार्यक्रम गरिन लागिएको उनले सुनाए ।
‘नेपालीको नयाँ वर्ष सभ्य र भब्य रुपमा मनाउन हामीले अन्य होटलभन्दा फरक र विशेष अफर दिएका छौं,’ मैनालीले भने ‘प्रतिब्यक्ति एक हजार नौ सय ९९ र जोडीले तीन हजार ४ सय ९९ मा असिमित स्न्याक, स्वागत ड्रिंक सहित बुफे डिनरको सुविधा दिनेछौं ।’ १० वर्षमुनिका बाल बालिकालाई निःशुल्क प्रवेशको व्यवस्था गरिनेछ, भने नयाँ वर्ष पूर्व विशेष उत्सवलाई सफल बनाउन तथा सुरक्षालाई विशेष ध्यान दिएर कार्यक्रम तय गरिएको छ ।
साँगितिक कार्यक्रममा लोक तथा दोहोरी चर्चित गायिका शान्ति श्री परियार, कमेडियन आर्दश मिश्र, स्मारिका ढकाल र समारिका ढकालको बेजोड नृत्यका साथ अफ रोड ब्याण्डको प्रस्तुती रहनेछ । यसका साथै लाइभ बार, लाइभ फुड स्टल, फायर वोर्क र फन गेम्स हुनेछ ।
होटलले समर अफर पनि दिएको जानकारी दिदैँ सेल्स एण्ड मार्केटिङ अफिसर ड्यानियलले भने, ‘एक हजारमा अनलिमिटेड स्वीमिङ, एक बोटल क्यान वियर वा जुस तथा एक प्लेट भेज वा चिकेन मःमः उपलब्ध गराउनेछौं ।’ उनले अगाडी थपे, ‘ग्राहक लक्षित योजना अनुरुप सिंगल बेड चार हजार पाँच सय र डबल बेड ५ हजार ५ सयमा ब्रेकफास्ट सहित उपलब्ध गराइरहेका छौं ।
तीन सय ५ देखि ४ सय सम्म दर्शकको उपस्थिती रहने उक्त नयाँ वर्ष इभ कार्यक्रमको उद्घोषण प्रेरणा गिरीले गर्ने होटल स्टारलाईटले जनाएकोछ । पत्रकार सम्मेलनमा होटलका अपरेशनल म्यानेजर रमित श्रेष्ठ, फ्रन्ट अफिसर विनोद बुढाथोकी, नेपालगन्जमा क्रियाशिल सञ्चारकर्मी लगायत उपस्थित भएका थिए ।
