नेपालगन्ज : नेकपा (एमाले) बाँकेको जिल्ला अधिवेशन चलिरहेको छ । अधिवेशन सुरु भएसँगै एमाले बाँकेमा चहलपहल ब्यापक बढेको छ नै पदाधिकारी र जिल्ला कमिटी सदस्यमा उम्मेदवारी घोषणा गर्नेहरुको लर्को लागेको छ ।
पदाधिकारी, जिल्ला कमिटी सदस्य र विभिन्न आयोगका लागि उम्मेदवारी घोषणा गर्नेले जिल्ला प्रतिनिधिसँग भेटघाट गरि रिझाउन ब्यस्त देखिन्छन् । आफूलाई पदाधिकारीमा चयन गरे पार्टी, कार्यकर्ता र आमजनताका लागि गर्ने कामको योजना सार्वजनिक गर्ने काम पनि आकांक्षीले गरिरहेका छन ।
अधिकांशले सतही रुपमा आफ्नो योजना सार्वजनिक गरिरहेका बेला उप-सचिव पदका बलियो मानिएका यूवा नेता किशोर थापाले सिंगो पार्टी र एमालेमा आवद्ध सहकर्मीका लागि गर्बिलो आधार सार्वजनिक गरेका छन् । उनले मिसन २०८४ लाई आत्मसाथ गरि ‘समृद्ध बाँके, सुखी बाँकेबासी’ मा जोड दिएका छन ।
बाँकेमा एमालेलाई एक नम्बरको पार्टी बनाउन रातदिन खटिने प्रतिवद्धतासहित उनले खुला नाकाका कारण बाँकेबासीले भोग्दै आएको समस्यालाई सहज बनाउन राजनीतिक दलहरुसँग समन्वय गर्ने जनाएका छन । पार्टीले दिएको जिम्मेवारी सहज रुपमा पूरा गर्ने क्षमता भएका किशोरले हरेक दुख, सुखमा नेता, कार्यकर्तालाई सघाउने स्पष्ट पारेका छन ।
पार्टीको जिम्मेवारी पाएपछि जनता माझ नजाने, पार्टीभन्दा आफ्नो लागि गर्ने र जनताका कुरा नसुन्ने प्रबृत्तिको अन्त्य गर्ने उद्घोष गर्दै उनले ‘एमालेसँग जनता’ अभियान चलाउने बताएका छन । ‘बर्खामा मात्र उम्रिने च्याउ जस्तै अधिवेशनका बेलामात्र पार्टी कार्यालय र जनता माझ जाने प्रबृत्ति अन्त्य गरि दिनमा ८ घण्टा पार्टी र जनताको काममा खटिने सिस्टम बसाल्ने योजनाका साथ उप-सचिवमा उम्मेदवारी दिने घोषणा गरेको छु,’ उनले भने, ‘म अहिले पनि अधिकांश समय पार्टी र जनताको काममा बिताउँछु । उप-सचिवको जिम्मेवारी पाएँ भने पार्टीलाई बलियो बनाउन दिनरात नभनी काममा खटिने छु ।’
पार्टीको हरेक गतिविधि संगठित सदस्यसम्म पुर्याउन प्रविधिको विकास गर्ने योजना पनि उनले बनाएका छन । ‘पार्टीको हरेक गतिविधि संगठित सदस्यसम्म पुर्याउने प्रविधिको विकास मैले मेरो कार्यकालमा गर्ने छु,’ उनले भने । किशोर थापा एमालेका नेता, कार्यकर्ता माझ लोकप्रिय छन । यूवा पुस्तालाई रोजगारमा लाग्न प्रेरणा दिने उनी समस्यामा परेकालाई दिल खोलेर सहयोग गर्छन ।
आफ्ना नेता, कार्यकर्तालाई जोगाउन जुनसुकै परिस्थितिको सामना गर्न उनी पछाडी हट्दैनन । उनले एमालेका यूवा पुस्ताको समस्यालाई नजिकबाट नियालेका छन । उनले यूवा पुस्तालाई आवश्यक परेको बेलामात्र प्रयोग गर्ने परिपाटीको अन्त्य गर्न आफूले उप-सचिवमा उम्मेदवारी घोषणा गरेको बताउँछन ।
थापा भन्छन, ‘हाम्रो पार्टी एमालेमा यूवाको ठूलो जमात छ, तर यूवा पुस्तालाई आवश्यक परेको बेला मात्र प्रयोग गर्ने र अवसरबाट बञ्चित गर्ने परिपाटी छ । यसको अन्त्य गर्ने आवाज मैले पहिले पनि उठाउँदै आएको छु । उप-सचिवको जिम्मेवारी पाएँ भने यूवालाई स्वरोजगार बनाउने र यूवाको समस्या सुल्झाउने अभियान थाल्नेछु । यूवाको हरेक समस्यामा साथ दिने र यूवालाई सक्रिय बनाउँदै पार्टीसँग जोड्ने पुलको काम मैले गर्ने छु ।’
कम बोल्ने स्वभावका किशोर अध्ययनशिल पनि उत्तिकै छन । फुर्सदको समयमा विभिन्न थरिका पुस्तक पढेर ज्ञान आर्जन गर्ने उनको बानी छ । कम बोलेर धेरै काम गर्न सक्ने उनको स्वभावले यूवा पुस्तामा उनले राम्रो दखल बनाएका छन । ‘मलाई धेरैथरिका कुरा गर्न आउँदैन, म कम बोलेर धेरै काम गर्न चाहन्छु । मलाई कम बोल्छ भन्ने आरोप लगाउने पनि गरिन्छ, तर त्यस्तो होइन, कम बोलेर धेरै काम गर्ने मेरो बानी छ, मेरो बानीलाई सबैले बुझिदिनु होला,’ उनले भने ।
एमाले बाँकेको सचिवालय सदस्य थापाले राष्ट्रिय यूवा संघको केन्द्रिय सदस्य भई कुशलताका साथ जिम्मेवारी पूरा गरिसकेका छन । राष्ट्रिय यूवा संघको जिल्ला कमिटी सदस्यबाट एमालेको राजनीति थालेका उनी यूवा संघ बाँकेको जिल्ला अध्यक्ष, केन्द्रिय सदस्य, बाँके जिल्ला इन्चार्ज लगायत भूमिका निभाइसकेका छन । किशोरसँग पाएको जिम्मेवारी पूरा गर्ने क्षमता, दक्षता र कुशलता छ ।आन्दोलनको कापबाट राजनीतिमा उदायका उनीसँग राजनीतिसँगै कुटनीति छ ।
शान्त, भद्र स्वभाव भएका किशोर कहिलै रिसाउँदैनन । जस्तोसुकै असहज परिस्थितिमा पनि सहज रुपमा प्रस्तुत हुने उनी यूवा पुस्तामा लोकप्रिय छन नै पार्टीमा पनि बलियो पकड बनाएका छन । सबैको भलो चिताउने उनी सहयोगी छन । स्वभाब नम्र छ । आफूभन्दा सानालाई औधि माया गर्ने किशोर आफूभन्दा ठुलालाई शिर झुकाएर सम्मान गर्छन ।
राजनीतिलाई समाज सेवाको रुपमा लिएर मैदानमा उत्रिएका उनले राजनीतिबाट फाइदा कहिलै लिएका छैनन । सबैमाझ लोकप्रिय किशोर थापा एमाले बाँकेको आसन्न ९ औँ अधिवेशनमा उप-सचिव पदमा उम्मेदवारी दिने घोषणा गरि प्रतिनिधिसँगको भेटघाटलाई तीब्र पारेका छन । नेता, कार्यकर्ताको हितमा ज्यान दिन तयार हुने किशोरसँग विवाद सुल्झाउने, प्रहरी, प्रशासनसँग कुरा गर्ने कौशलता पनि उत्तिकै छ । उनीसँग राजनीतिक संस्कार छ । उनले भने, ‘मैले राजनीतिलाई सदैव समाज सेवाको रुपमा लिएको छु र लिइरहने छु । पार्टीको शिर सदैव उच्च राख्ने प्रण गर्दछु ।’
